U najbližejšy čas Biełteleradyjokampanija nie płanuje stvarać śpiecyjalizavany spartyŭny telekanał.
Pra heta paviedamiŭ na pres-kanfierencyi 1 śniežnia ŭ Minsku namieśnik hałoŭnaha dyrektara hałoŭnaj dyrekcyi pieršaha kanała Biełteleradyjokampanii Alaksandr Kapionkin.
"Na žal, u śviecie niama nivodnaha spartyŭnaha kanała, jaki maje dachod abo chacia b samaakuplivajecca", — zaznačyŭ jon.U toj ža čas, pavodle mierkavańnia A.Kapionkina, taki kanał patrebny.
"Pytańnie tolki, za jakija hrošy i jakoj canoj hety kanał stvarać", — skazaŭ pradstaŭnik Biełteleradyjokampanii. Spartyŭny kanał, u pryvatnaści futbolny, davaŭ by prybytak, vykazaŭ jon mierkavańnie, kali b čempijanat śvietu pa futbole išoŭ kruhły hod.
Pavodle mierkavańnia A.Kapionkina, vyrašeńnie hetaha pytańnia mahčyma budzie tolki tady, kali "infarmacyjny i materyjalny składniki nie buduć chistacca na vahach".
"My ŭsio chočam mieć 18 telekanałaŭ i try ź ich — spartyŭnych. Ja dumaju, što pytańnie rana ci pozna znojdzie svajo vyrašeńnie, ale na samoj spravie treba žyć pa srodkach. Kali vahi zbałansujucca (košt pytańnia i jaho značnaść), tady i možna stavić pytańnie ab stvareńni śpiecyjalizavanaha spartyŭnaha kanała", — ličyć pradstaŭnik Biełteleradyjokampanii.
