Svajaki achviar avijakatastrofy MN17 prosiać prezidenta ZŠA Donalda Trampa paŭpłyvać na rasijskaha lidara Uładzimira Pucina z metaj apublikavać detalovuju infarmacyju pra abstaviny hibieli łajniera. Kopija lista znachodzicca ŭ rasijskaj Novoj haziety.
U liście da Trampa svajaki nazvali pazicyju Maskvy «vidavočnaj sprobaj schavać (praŭdu) pra zdareńnie». Jany prosiać Trampa pierakanać Pucina apublikavać detalovuju infarmacyju pra abstaviny hibieli łajniera ŭ niebie nad Danbasam, adznačajučy, što «nikoli nie byvaje pozna zahładzić vinu».
«Prezident Pucin šmat pracuje, kab adnavić pavahu da rasijskaha naroda i samomu ŭvajści ŭ historyju ŭ jakaści vialikaha dziaržaŭnaha dziejača. Kali jon sapraŭdy im źjaŭlajecca, to jamu nieabchodna razumieć, što ŭtojvańnie (praŭdy), nastolki vidavočnaje ŭ surjoznych złačynstvach, jak ataka na MH17, pracuje suprać dasiahnieńnia jaho mety», — napisali svajaki achviar.
