a taksama hienprakuroru Vasileviču, staršyni Kanstytucyjnaha sudu Mikłaševiču, byłomu staršyni Mienskaha abłvykankamu Damaškieviču.
Kiraŭnik dziaržavy padpisaŭ 4 śniežnia ŭkaz ab pryciahnieńni da adkaznaści niekatorych słužbovych asobaŭ.
Za surjoznyja chiby ŭ pracy z kadrami ŭ orhanach prakuratury, nierableńnie naležnych zachadaŭ pa adnaŭleńni zakonnaści, parušanaj pry razdačy Mienskim rajvykankamam ziamielnych nadziełaŭ u rajonie dačnaha pasiołku «Kryničny» Ministerstva ŭnutranych spraŭ, a taksama pa zabieśpiačeńni nahladu za zachavańniem patrabavańniaŭ žyllovaha zakanadaŭstva pry razhladzie cyvilnych spraŭ z udziełam byłoha prakurora Mienskaj vobłaści M.Śniehira abvieščana vymova hieneralnamu prakuroru Ryhoru Vasileviču i byłomu hienprakuroru Piatru Mikłaševiču.
Za značnyja chiby ŭ pracy pa padbory i rasstanoŭcy kiroŭnych kadrach u orhanach prakuratury abvieščana vymova byłomu dziaržsakrataru Savieta biaśpieki Viktaru Šejmanu.
Vymova abvieščana i byłomu staršyni Mienskaha abłvykankamu Mikałaju Damaškieviču za niepryniaćcie naležnych zachadaŭ pa zabieśpiačeńni kantrolu za zachavańniem zakanadaŭstva pry razdačy Mienskim rajvykankamam ziamielnych nadziełaŭ u rajonie dačnaha pasiołku «Kryničny».