Bank «Handlovy kapitał» paviedamlaje, što pa rašeńni kampanii «Śvift» BIK-adras banka deaktyvavany 12 listapada, pieradaje «Biełrynak».
Kampanija «Śvift» tłumačyć svoj krok tym, što prypyniaje dostup asobnych iranskich bankaŭ da sistemy abmienu paviedamleńniami, kab padtrymać ustojlivaść i cełasnaść hłabalnaj finansavaj sistem. A asnoŭnym akcyjanieram banka «Handlovy kapitał» jakraz źjaŭlajecca bank «Tedžarat» (Isłamskaja Respublika Iran). Jaho dola składaje 99,89%.
Sprava ŭ tym, što 5 listapada 2018 hoda ŭstupiła ŭ siłu druhaja častka sankcyj ZŠA ŭ dačynieńni da Irana. Jana zakranaje enierhietyčnuju halinu Irana, ździełki, źviazanyja z naftaj, a taksama tranzakcyi Centralnaha banka Irana, sudnachodstva i sudnabudavańnie.
U Biełaruskim mižbankaŭskim raźlikovym centry paćvierdzili, što bank «Handlovy kapitał» adklučany ad «Śvifta». Bank byŭ zasnavany ŭ vieraśni 2008 hoda.
