Vajenna-marskija siły Arhienciny apublikavali fatahrafii patanułaj u 2017 hodzie padvodnaj łodki San Juan, jakuju znajšli ŭ subotu. Ab hetym paviedamlajecca ŭ akaŭncie ŭ tvitary VMS krainy.
VMS adznačajuć, što padłodku znajšli na hłybini pryblizna 900 m. Na hetaj fatahrafii bačny žyły adsiek, dzie znachodziacca batarei, usie sistemy i abstalavańnie, jakoje jość u submaryny.
Pavodle paviedamleńnia, na hetych fotazdymkach «vyznačany inšyja častki padvodnaj łodki mienšych pamieraŭ i formaŭ, jakija supadajuć z nasavoj i karmavoj siekcyjami».
U subotu, 17 listapada, VMS Arhienciny abviaścili, što vyjavili padłodku San Juan ( «San Chuan»), jakaja źnikła 15 listapada 2017 hoda. Na joj znachodzilisia 44 maraki. Pošukava-vyratavalnuju apieracyju pravodziła amierykanskaja kampanija Ocean Infinity z vykarystańniem dystancyjna-kiravanaha aparata.
Ministr abarony Arhientyny Oskar Ahuad raspavioŭ, što padłodka paciarpieła ŭ vyniku vybuchu. 18 listapada prezident krainy Maurysia Makry abviaściŭ trochdzionnuju žałobu pa zahinułych marakach.