Pres-sakratar Ministerstva zamiežnych spraŭ Biełarusi Anatol Hłaz na mienskim forumie vykazaŭsia nakont admieny śmiarotnaj kary ŭ Biełarusi, piša radyjo «Svaboda».
«Nakont śmiarotnaj kary, ja nie adkryju tut Ameryku, my nie viadziom torhu. Heta surjoznaje pytańnie dla nas jak dla krainy, dla našych ludziej. U nas byŭ referendum pa hetym pytańni, i my heta pastajanna paŭtarajem. Nie ličycca z hetym mierkavańniem siońnia davoli składana», — skazaŭ Anatol Hłaz.
Pavodle pres-sakratara MZS, u parlamencie Biełarusi stvorana admysłovaja hrupa pa hetym pytańni, idzie praca z hramadzkaj dumkaj i z Radaj Eŭropy.
«Ale pakul śpiełaści takoj nie adčuvajecca. Ničoha nia vyklučana. Ale kali hety krok budzie zrobleny, jon nia budzie zrobleny ŭ abmien na niešta. Heta nia budzie handal, nie ŭ abmien za niešta ci ŭ spadzievie atrymać niešta. My jaho zrobim dla siabie tady, kali budziem adčuvać siabie hatovymi. Albo na palityčnym uzroŭni, albo na ŭzroŭni nasielnictva našaj krainy. Tamu ničoha nia vyklučana», — zajaviŭ Hłaz.
