Wikimedia Commons
Samy bahaty čałaviek Kitaja, zasnavalnik Alibaba Group Džek Ma ŭstupiŭ u Kamunistyčnuju partyju Kitaja. Pra heta paviedamiła hazieta «Žeńmiń Žybao».
Hazieta apublikavała śpis sta hramadzian KNR, jakija ŭnieśli asablivy ŭkład u raźvićcio krainy i ažyćciaŭleńnie ŭ žyćcio palityki reformaŭ i adkrytaści. Siarod ich apynuŭsia Ma Juń (kitajskaje imia Džeka Ma). Kali mienavita jon ustupiŭ u partyju, nie ŭdakładniajecca.
Dziaržava adznačyła jaho ŭkład u raźvićcio ekanomiki — u pryvatnaści, stvareńnie elektronnych handlovych płatformaŭ, elektronnych płaciežnych sistem i asnovy dla chmarnaha prahramavańnia, raźvićcio łahistyki i infrastruktury dla małoha i siaredniaha biźniesu, a taksama raspracoŭku novaj sistemy sacyjalnaha kredytu z dapamohaj technałohij vialikich dadzienych.
Aproč inšaha, Džek Ma atrymaŭ hanarovaje zvańnie «Vydatny budaŭnik sacyjalizmu z kitajskaj śpiecyfikaj pravincyi Cziansu».
