U elitnym hateli Four Seasons (na miescy byłoj savieckaj haścinicy «Maskva») pobač z Kramlom znajšli miortvym adnaho z haściej. Jon atruciŭsia palonym ałkaholem, paviedamiŭ kanał Mash.
Paviedamlajecca, što heta 39-hadovy Ihar Sanin. Jon naradziŭsia ŭ Omsku, ale žyvie ŭ Minsku. Jon prylacieŭ u Maskvu na niekalki dzion «vyrašać pytańni».
Rasijski partał 360tv.ru źviazaŭsia z žonkaj zahinułaha.
«U hateli mnie ničoha nie paćvierdzili, z palicyi nichto nie patelefanavaŭ. U konsulstvie taksama maŭčać. Jon hramadzianin Rasii, maje vid na žycharstva ŭ Respublicy Biełaruś. Praź dziesiatyja ruki ja daviedałasia pra toje, što zdaryłasia praz try dni », - padzialiłasia žančyna.
Pavodle jaje słoŭ, muž źjechaŭ u Maskvu pa spravach. Što mienavita mužčyna rabiŭ u stalicy i čamu spyniŭsia ŭ adnoj z samych darahich haścinic, žonka nie viedaje.
TASS paviedamlaje, što ŭ numary znajšli narkatyčnaje rečyva. Heta zajaŭlaje i telehram-kanał «112», jaki taksama paviedamlaje pra narkotyki pobač ź ciełam. Taksama «112» piša, što ŭ numar da Sanina zachodzili nieviadomyja pakul čaćviora mužčyn i žančyna.
Viadoma, što Sanin — hramadzianin Rasii, jaki mieŭ vid na žycharstva ŭ Biełarusi i žyŭ u Minsku.