U kitajskim horadzie Šanchaj «nadrukavali» most z palimiera, jaki budzie ŭstanoŭleny ŭ centralnym parku rajona Taapu, paviedamlaje «Sińchua».
Most daŭžynioj 15,25 m, šyrynioj 3,8 m i vyšynioj 1,2 m byŭ pabudavany płastami z dapamohaj sistemy 3D-druku, raspracavanaj šanchajskaj budaŭničaj kampanijaj Shanghai Construction Group. Dla budaŭnictva mosta spatrebiłasia 35 dzion.
Abciakalny korpus mosta małočna-biełaha koleru vykanany z płastyka ASA (acrylonitrile styrene acrylate), jaki byŭ źmiašany sa šklanymi vałoknami.
Hetyja materyjały dazvolać mostu ŭ doŭhaterminovaj pierśpiektyvie vytrymlivać uździejańnie sonca i daždžu, harantujučy adpaviednaść dziaržaŭnym budaŭničym standartam.
Pa słovach namieśnika hienieralnaha inžyniera kampanii Čeń Siaamina, prajektny termin słužby hetaha mosta składaje 30 hadoŭ.
