Prykładna 50 členaŭ mižnarodnaj maładziožnaj arhanizacyi «Małady front» (Čechija) pravodziać adnadzionny post‑haładoŭku, paviedamiŭ BiełaPAN staršynia arhanizacyi Źmicier Daškievič.
Pavodle jaho słoŭ, 10 śniežnia, u Mižnarodny dzień pravoŭ čałavieka, zakančvajecca kampanija arhanizacyi «Kamunizm — pad trybunał!». «Spačatku antykamunistyčnuju kampaniju płanavałasia zaviaršyć 8 śniežnia, u dzień raspadu SSSR, adnak z‑za suda nad Alaksandram Barazienkam, što pačaŭsia ŭ hety dzień, zakančeńnie kampanii było vyrašana pieranieści na 10 śniežnia», — skazaŭ Z.Daškievič.
Jon zaznačyŭ, što dakładnaja kolkaść ludziej, jakija haładajuć, pakul nieviadomaja. «My pakinuli na sajcie arhanizacyi adras elektronnaj pošty z prośbaj paviedamlać nam, chto, ź jakoj arhanizacyi i ź jakoha horada padtrymaŭ post‑haładoŭku. Na praciahu dnia da nas budzie pastupać infarmacyja ab udzielnikach haładoŭki», — zaznačyŭ Z.Daškievič.
«Post‑haładoŭka — heta histaryčnaja paralel z savieckimi dysidentami, jakija ŭ hety dzień zaŭsiody abjaŭlali haładoŭku z patrabavańniem usieahulnaj amnistyi palityčnych źniavolenych», — zajaviŭ kiraŭnik «Maładoha frontu».
Na dumku Z.Daškieviča, «praz post, praz pakajańnie kožny moža ŭśviadomić i asensavać złačynstvy kamunistyčnaha režymu ŭ Biełarusi i ŭ śviecie».
Jak paviedamiŭ lider arhanizacyi, u Minsku i inšych haradach krainy projduć pikiety «z patrabavańniem pravieści «Niurnbierhski praces» nad kamunistyčnaj ideałohijaj».
