Hałoŭnaja redaktarka haziety «Novy čas» Aksana Kołb ranicaj 5 śniežnia atrymała sms-ku z suda Savieckaha rajona Minska. Jaje prosiać źjavicca 17 śniežnia na papiaredni razhlad pazovu Leanida Zajdesa «pa abaronie honaru, hodnaści i dziełavoj reputacyi, spahnańni kampiensacyi maralnaj škody».
Leanid Zajdes. Fota svaboda.org.
Pakul sam pazoŭ spadarynia Kołb nie bačyła (rabotniki suda pavinny pradastavić ciaham piaci dzion), tamu nie viedaje, jakija mienavita pretenzii ŭ Zajdesa. Adnak sama farmuloŭka hučyć hetaksama, jak papiaredni pazoŭ jašče adnaho biznesmena Arkadzia Izraileviča. Toj spadziavaŭsia spahnać z «Novaha časa» 40 tysiač rubloŭ maralnaj kampiensacyi. Tady sud staŭ na abaronu niezaležnaha vydańnia.
«Ci dadaje aptymizmu stanoŭčy dośvied takich spravaŭ u sudzie? Chutčej nie, bo ŭ našaj krainie moža być usio, što zaŭhodna. Hetyja ludzi nie mohuć supakoicca, što adnojčy my ich pieramahli ŭžo. Što ž, budziem dalej zmahacca», — adznačyła Aksana Kołb.
«Novy čas» drukavaŭ sieryju materyjałaŭ žurnalista Dzianisa Ivašyna ab tym, kamu naležyć restaran «Pajedziem, pajadzim» u Kurapatach. Sam Ivašyn sms z zaprašeńniem u sud pakul nie atrymlivaŭ.
