Wikimedia Commons
Urad Luksiemburha letam 2019 hoda admienić płatu za prajezd u ciahnikach, tramvajach i aŭtobusach, paviedamlaje The Guardian.
Ab płanach zrabić hramadski transpart biaspłatnym abviaścili paśla taho, jak premjer-ministr pieraabranaha ŭrada Luksiemburha Ksavje Bietel byŭ pryviedzieny da prysiahi 5 śniežnia. Siarod inšych płanaŭ urada — lehalizacyja rekreacyjnaha ŭžyvańnia marychuany i ŭviadzieńnie dvuch novych dziaržaŭnych śviataŭ.
The Guardian adznačaje, što pytańnie ab tym, ci stanie biaspłatnym prajezd u vahonach ciahnikoŭ pieršaha i druhoha kłasa, pakul nie vyrašana.
Zaraz prajezd u Luksiemburhu kaštuje dva jeŭra za pajezdku da dźviuch hadzin — za hety čas možna prajechać bolšuju častku krainy. Dzieci i padletki va ŭzroście da 20 hadoŭ mohuć jeździć biaspłatna.
