Redakcyja niedziaržaŭnaj haziety «Novy Čas» (nieaficyjny orhan TBM) atrymała list z «prośbaj» aformić viedamasnuju padpisku na 14 dziaržaŭnych vydańniaŭ.
List za podpisam namieśnicy kiraŭnika administracyi Pieršamajskaha rajona Minska Viery Bohdan nakiravany kiraŭnikam pradpryjemstvaŭ, ustanoŭ i arhanizacyj. U pasłańni napačatku vykazvajecca padziaka za pavieličeńnie abjomaŭ viedamasnaj padpiski ŭ druhoj pałovie 2008 hoda, što sadziejničała «bolš apieratyŭnamu infarmavańniu žycharoŭ rajona i pracoŭnych kalektyvaŭ i arhanizacyj usich form ułasnaści ab dziejnaści vykanaŭčych orhanaŭ ułady».
Dalej spn. Bohdan prosić kiraŭnikoŭ arhanizacyj (na ich uskładajecca abaviazak praviadzieńnia padpiski), a siarod inšych i arhanizacyj?arandataraŭ nie tolki padpisacca na 2009 hod, ale jašče i zachavać adzin asobnik padpisnoj kvitancyi.
Viedamasnuju padpisku, zhodna ź listom, treba aformić na 14 najmieńniaŭ vyklučna dziaržaŭnych vydańniaŭ. Pieršaj u prapanavanym śpisie paznačana hazieta «Sovietskaja Biełoruśsija». Prapanujecca taksama padpisacca na časopisy «Płanieta» i «Ekonomika Biełarusi».
Akramia hetaha, administracyja Pieršamajskaha rajona Minska prapanuje pravieści ŭ pracoŭnych kalektyvach tłumačalnyja razmovy na temu indyvidualnaj padpiski. Paśla kopija padpisnoj kvitancyi pavinna być nakiravana ŭ adździeł ideałahičnaj pracy rajvykankama.
Nahadajem, hazieta «Novy Čas», jakaja atrymała hety list, razam z šeraham inšych niedziaržaŭnych hramadska?palityčnych vydańniaŭ užo niekalki hadoŭ pazbaŭlenaja mahčymaści raspaŭsiudžvacca praz handlovuju sietku pradpryjemstvaŭ «Sajuzdruku» i padpisku «Biełpošty».