Alaksandr Łukašenka 13 śniežnia na sustrečy z kiraŭnikom Karelii Arturam Parfienčykavym vykazaŭsia pra zakryćcio Rasijaj pastavak niekatorych biełaruskich praduktaŭ. Kiraŭnik Biełarusi zajaviŭ, što heta zvyčajnaja kankurencyja.
Łukašenka adznačyŭ, što ŭ Biełarusi z savieckich časoŭ zachavanyja i navat zroblenyja bolš žorstkimi DASTy.
«My pačali raźvivać, ciarpieli. Tamu što ŭ vas byli niejkija techničnyja rehłamienty, a ŭ nas — DASTy, u nas naturalnaje, a ŭ vas — z dadatkami. U vas tańniejšaje u vyniku hetaha, a ŭ nas daražejšaje. I my nie mahli kankuravać paśla raspadu Sajuza na hetych rynkach, tamu što nasielnictva było niebahataje. Nam ciažka było kankuryravać, tamu što naturalnaje daražej kaštavała, — raspavioŭ Łukašenka. — Ale ja tady žorstka pastaviŭ zadaču: budziem tryvać, pahladzicie — praz dva-try hady situacyja źmienicca. Ludzi nie buduć uvieś čas biednymi i buduć schilnyja navat za apošnija hrošy kuplać naturalnaje. Tak i adbyłosia».
