Hałoŭny redaktar «SB. Biełaruś siońnia» Dźmitryj Žuk u intervju prahramie «Markaŭ. Ničoha asabistaha» raskazaŭ, čamu adrazu paśla pryznačeńnia adklučyŭ na sajcie mahčymaść kamientavańnia.
«[Ja adklučyŭ kamientary] całkam asensavana. Što takoje kamientary na sajcie i što takoje sajt? Sajt — maja redakcyjnaja placoŭka, i ja jak redaktar nie chaču mieć dyskusiju dvuch niejkich nikaŭ, umoŭna kažučy, Piatrova i Hramiły, jakija vyčvarajucca, ci prykałvajucca, ci jašče niešta na majoj placoŭcy. Heta maja terytoryja, i ja pavinien hetu terytoryju kantralavać. Ale samaje hałoŭnaje nie ŭ hetym — ja adkazvaju za hetu terytoryju.
Heta nie kaža pra toje, što niama zvarotnaj suviazi. Pad lubym materyjałam jość knopka «źviazacca z aŭtaram». Jość materyjał redakcyjny, hazietny, i jość mierkavańnie čytača. Kali my paličym heta mierkavańnie cikavym, my jaho apublikujem, navat u haziecie».
