Siabra arhkamitetu pa stvareńni BCHD Siarhieja Tryfanava, jaki pracuje lekaram u Homielskaj abłasnoj psichijatryčnaj balnicy, vyklikali na razmovu da hałoŭnaha lekara, dzie ŭžo prysutničaŭ kiraŭnik adździełu kadraŭ Abłasnoha ŭpraŭleńnia achovy zdaroŭja Torcin Michaił Cimafiejevič. Padčas razmovy nazvany čynoŭnik sprabavaŭ vyśvietlić, ci nie naležyć Siarhiej Ivanavič da niejkaj terarystyčnaj arhanizacyi.
Pa słovach Torcina M.C., da jaho dajšli čutki, što Tryfanaŭ Siarhiej «ŭdzielničaje ŭ ekstremisckaj tetarystyčnaj arhanizacyi». Čynoŭnik taksama cikaviŭsia, ci nie navučaje lekar svaich psichična chvorych pacyjentaŭ jakoj‑niebudź terarystyčnaj padryŭnoj dziejnaści, vyrabu vybuchovych pakietaŭ i h.d. LekarTryfanaŭ admoviŭsia razmaŭlać z kiraŭnictvam na hetuju temu, zajaviŭšy spadaru Torcinu, što toj zadaje pytańni zusim varjackija, nibta «vy – moj pacyjent».
Kastuś Žukoŭski, kaardynatar Homielskaha arhkamitetu, ličyć, što takija dziejańni ŭładaŭ – heta praciah cisku na siabraŭ jaho inicyjatyŭnaj hrupy, jakaja dziejničała padčas parłamienckich vybaraŭ. Mahčyma, jaho mohuć navat zvolnić, jak heta adbyłosia z kiraŭnikom inicyjatyŭnaj hrupy Alesiem Sivakovym, havoryć były kandydat u deputaty pa Buda‑Kašaleŭskaj akruzie Kastuś Žukoŭski.
