Sajuz polskich nastaŭnikaŭ pačynaje ahulnanacyjanalnuju akcyju pratestu. Nastaŭniki j pracaŭniki adukacyi patrabujuć pavieličeńnia ich bazavaj zarpłaty na 1 000 złotych (233 jeŭra), paviedamlaje Polskaje radyjo.
Kiraŭnik Sajuza polskich nastaŭnikaŭ Słavamir Broniaž (Sławomir Broniarz) pierakonvaje, što nastaŭniki — heta prafiesijnaja hrupa, jakaja apłačvajecca najhorš u Polščy. Adnak, pakul jon nie pajaśniaje, jakija kankretnyja formy budzie mieć pratest.
«Jaho forma budzie vielmi raznastajnaja», — zajaviŭ Broniaž. Jon adznačyŭ, što ciapier na balničnym znachodzicca kala 11 tysiač nastaŭnikaŭ.
«My kłapocimsia pra ich zdaroŭje. Nichto z nastaŭnikaŭ nie złoŭžyvaje biuleteniami», — zapeŭniŭ staršynia Sajuza polskich nastaŭnikaŭ.
Na 8 studzienia zapłanavanaje pasiedžańnie Rady hramadskaha dyjałoha Sajuza polskich nastaŭnikaŭ, na jaki arhanizacyja zaprašaje premjer-ministra i ministra nacyjanalnaj adukacyi Polščy.