Karystalniki internetu ŭ Kazachstanie atrymali mahčymaść ustalavać i vykarystoŭvać novuju prahramu «Ukantakcie» — miesiendžar VK Me. Prahramu raspracavali dla płatformaŭ iOS i Android.
Miesiendžar dazvalaje abmieńvacca paviedamleńniami ź siabrami «Ukantakcie» i ludźmi, čyje numary jość u telefonnaj knizie pryłady, ździajśniać zvanki (u tym liku videa) i abmieńvacca hałasavymi paviedamleńniami, adpraŭlać muzyku, foty i roliki, a taksama pieravodzić hrošy.
«U luby momant pieraklučajciesia pamiž VK Me i prahramaj Ukantakcie», — havorycca ŭ apisańni — raspracoŭščyki adznačajuć, što heta možna rabić adnoj knopkaj.
Papularnaja sacyjalnaja sietka Facebook vydzieliła miesiendžar u asobnuju prahramu jašče ŭ 2014 hodzie, paśla čaho jaje stali aktyŭna krytykavać karystalniki. Pradstaŭniki «Ukantakcie» padkreślivajuć, što pierapisvacca možna budzie, navat kali na smartfonie nie ŭstanoŭleny VK Me.
