Premjer-ministr Biełarusi Siarhiej Rumas siońnia pryniaŭ udzieł u respublikanskaj akcyi «Našy dzieci». Jon naviedaŭ Radaškovickuju škołu-internat dla dziaciej-sirot i dziaciej, jakija zastalisia biez apieki baćkoŭ, i ŭručyŭ jaje vychavancam padarunki, paviedamlaje BiełTA.
«2019 hod budzie takim, jakim vy sami jaho zrobicie dla siabie. Tamu ja chaču pažadać vam bolš upeŭnienaści ŭ svaich siłach, dobra vučycca, zajmacca muzykaj, sportam, kab u kančatkovym vyniku vy vyraśli hodnymi hramadzianami našaj krainy», — skazaŭ Siarhiej Rumas.
Pavodle jaho słoŭ, u Biełarusi robicca ŭsio mahčymaje dla dziaciej. «Tolki ŭ hetym hodzie dziaržava ŭviała ŭ stroj try novyja škoły, 14 dziciačych damoŭ, adramantavana vialikaja kolkaść navučalnych ustanoŭ», — adznačyŭ premjer.
«Novy hod i Kalady — samyja čystyja i śvietłyja śviaty, kali ŭsie my čakajem vykanańnia patajemnych žadańniaŭ. U hetyja dni mnohija kiraŭniki vyjazdžajuć u navučalnyja ŭstanovy, dziciačyja damy, kab padaryć čaścinku ciapła dzieciam i razam ź imi sustreć hetaje śviata», — padkreśliŭ Siarhiej Rumas.
Ad imia ŭrada premjer-ministr padaryŭ dzieciam siertyfikat na manabłok. «Upeŭnieny, jon dapamoža vam lepš vučycca. Razam ź Biełaruskaj fiederacyjaj futboła my taksama dorym śviazku miačoŭ dla taho, kab vy zmahli pryśviacić volny čas hetamu vydatnamu vidu sportu. Miačy ŭžo ŭ spartzale, možacie imi skarystacca. Nu, i viadoma, samaje doŭhačakanaje dla vas — sałodkija padarunki. Chaču ad usioj dušy pavinšavać sa śviatami, pažadać vykanańnia ŭsich vašych žadańniaŭ u 2019 hodzie», —reziumavaŭ jon.
U Radaškovickaj škole-internacie dla dziaciej-sirot i dziaciej, jakija zastalisia biez apieki baćkoŭ vychoŭvajucca i navučajucca 118 dziaciej. Premjer-ministr aznajomiŭsia z materyjalna-techničnaj i spartyŭnaj bazaj škoły-internata, naviedaŭ muziej pavietranych i vohniennych taranaŭ i krajaznaŭčy. Dzieci padaryli premjeru karcinu, vykananuju ŭłasnymi rukami.
Ad Minabłvykankama vychavancy Radaškovickaj škoły-internata dla dziaciej-sirot i dziaciej, jakija zastalisia biez apieki baćkoŭ, atrymali ŭ padarunak siertyfikat na biehavuju darožku.
Dla haściej dzieci svaimi siłami padrychtavali teatralizavanaje pradstaŭleńnie «Niezvyčajnyja pryhody la navahodniaj jełki». Adna z hałoŭnych rolaŭ - Funcika - dastałasia vučniu 4-ha kłasa Dźmitryju Dvareckamu. «U mianie vielmi dobraja pamiać, tamu mianie vybrali na hetuju rolu. Chaču pažadać usim dzieciam ščaścia i zdaroŭja. Ja ŭžo napisaŭ list Dziedu Marozu i paprasiŭ viertalot z pultam kiravańnia», — raspavioŭ jon.
