U Hrodnie 29-hadovaj dziaŭčynie praz sacsietku pastupiła paviedamleńnie nibyta ad znajomaj, jakaja prasiła paviedamić joj rekvizity bankaŭskaj karty, bo, maŭlaŭ, svaju zhubiła i choča vykarystać kartku siabroŭki dla atrymańnia najaŭnych hrošaj.
Dziaŭčyna paviałasia na prapanovu i adpraviła fatahrafii kartki, paviedamlaje SK.
U vyniku nieviadomy atrymaŭ dostup da jaje kart-rachunku i pravioŭ płaciažy na 1200 rubloŭ.
U toj ža dzień achviaraj anałahičnaha złačynstva stała jašče adna 29-hadovaja žycharka Hrodna. Jana taksama praź pierapisku ŭ miesiendžarach padała rekvizity svajoj bankaŭskaj karty nieviadomaj asobie, jakaja vydavała siabie za jaje znajomuju, što pryviało da śpisańnia ź jaje kart-rachunku zvyš 1100 rubloŭ.
SK papiaredžvaje, što atrymaŭšy takija prapanovy ad «znajomych», treba spraŭdžvać, ci sapraŭdy heta tak.
