U Biełarusi ŭdakładnieny pakazčyki biudžetu na 2008 hod. Adpaviedny ŭkaz numar 684 Alaksandr Łukašenka padpisaŭ 11 śniežnia.
Dakumientam praduhledžvajecca pavieličeńnie ŭ paraŭnańni z paramietrami, ustanoŭlenymi ŭ zakonie "Ab biudžecie Respubliki Biełaruś na 2008 hod", dachodaŭ na Br8,24 trłn., raschodaŭ - na Br6,15 trłn. i pamianšeńnie deficytu na Br2,09 trłn. Dachody respublikanskaha biudžetu da kanca 2008 hoda mohuć dasiahnuć Br46,39 trłn., raschody składuć kala Br46,74 trłn., deficyt zaćvierdžany ŭ abjomie Br344,7 młrd.
U bolšych abjomach buduć prafinansavany dziaržaŭnyja kapitalnyja ŭkładańni, ažyćcioŭlena lhatavańnie bankaŭskich kredytaŭ dla žyllovaha budaŭnictva.
Akramia taho, zapłanavana pavieličeńnie srodkaŭ, jakija pieradajucca z respublikanskaha biudžetu ŭ biudžety abłaściej i Minska, raschodaŭ asobnych dziaržaŭnych metavych biudžetnych fondaŭ, a taksama Fondu sacyjalnaj abarony nasielnictva (hałoŭnym čynam dla vypłaty piensij i dapamoh nasielnictvu).
