Nieaściarožnaść ledź nie skončyłasia dla piensijanierki 1933 hoda naradžeńnia, jakaja pražyvaje ŭ Homieli, trahična, paviedamlaje MNS.
Kali ratavalniki pryjechali na vyklik, jany pabačyli mocnaje zadymleńnie, adnak ahniu ŭžo nidzie nie było — patušyli susiedzi.
Pavodle papiaredniaj infarmacyi, žančyna rychtavała sabie ježu, zdymała ź plity kastrulu, prychapiŭšy jaje ručnikom. Ahoń na plicie praciahvaŭ hareć. Ad jaho ŭspychnuŭ spačatku ručnik, potym — vopratka piensijanierki. Susiedzi, kali adčuli pach dymu, vybili ŭvachodnyja dźviery ŭ kvateru i sami patušyli pažar na kuchni.
0
0
0
0
0
0
