U prahramie «Markaŭ. Ničoha asabistaha» na kanale ANT ministr unutranych spraŭ Ihar Šunievič parazvažaŭ ab pryčynach uźniknieńnia ŭ Biełarusi niekatorych ciažkich rezanansnych złačynstvaŭ.
Viadučy prahramy Marat Markaŭ skazaŭ, što rezanansnyja złačynstvy, takija jak zachop załožnikaŭ u Zasłaŭi i zabojstva milicyjanta ŭ Ivacevickim rajonie, nie ŭłaścivyja biełaruskaj mientalnaści. Markaŭ spytaŭ Šunieviča, jakaja pryčyna ŭźniknieńnia takich złačynstvaŭ.
Šunievič adkazaŭ, što isnuje mnostva faktaraŭ, jakija padšturchoŭvajuć čałavieka na ździajśnieńnie ciažkaha złačynstva. Sukupnaść takich faktaraŭ vialikaja.
«Ale adnym z elemientaŭ jaje źjaŭlajecca, ja liču, kiepski prykład. Kiepski prykład, jaki karespandujecca nam z krain z raźvitaj demakratyjaj. Heta nie ŭ mientalitecie našaha čałavieka ździajśniać takija złačynstvy»,
— zajaviŭ Šunievič.
