Siertyfikaty ŭ kramy atrymali da Novaha hoda supracoŭniki ŽEU Leninskaha rajona Mahilova. Fota adnaho ź ich apublikavali ŭ supołcy «Mahiloŭ Live» Ukantakcie.
Na fota vidać, što siertyfikat na kuplu tavaraŭ firmy «Kadzina» dziejničaje tolki ŭ adnoj kramie — na praśpiekcie Puškinskim. Siertyfikat na 6 rubloŭ 80 kapiejek dziejničaje z 30 listapada pa 31 śniežnia 2018 hoda.
Jak stała viadoma Tut.by, kožnamu supracoŭniku da hetaha siertyfikatu dali jašče dva: na «try z kapiejkami» rubli — u kramu ahrafirmy «Viejna» i na 4 rubli — u kramu «Kołas» pradpryjemstva «Damačaj». Usiaho suma troch siertyfikataŭ skłała mienš za 15 rubloŭ. Vydali ich supracoŭnikam 27 śniežnia.
Pavodle infarmacyi krynicy, niekatoryja supracoŭniki admovilisia ad siertyfikataŭ, bo im niazručna iści ŭ kankretnyja kramy i kuplać tam pradukcyju.
U ŽREU Leninskaha rajona kamientavać situacyju admovilisia. Namieśnik dyrektara pa ideałohii Siarhiej Hželak skazaŭ Tut.by, što «ŭ hetym niama sakretu», ale jon «nie daje intervju pa telefonie — tolki asabista».
