Ministr abarony Andrej Raŭkoŭ vystupiŭ z artykułam u časopisie «Biełaruskaja dumka» ab vynikach dla biełaruskich Uzbrojenych siłaŭ.
Andrej Raŭkoŭ. Fota zviazda.by.
U artykule Raŭkova było šmat cytat Alaksandra Łukašenki, a taksama apasieńni ŭ suviazi z raźmiaščeńniem siłaŭ NATO ŭ pamiežnych ź Biełaruśsiu dziaržavami. Zrešty, Raŭkoŭ miarkuje, što «istotnaha ŭpłyvu na rehijanalny bałans siłaŭ — heta nie niasie». Chacia ŭ budučyni heta moža nieści pahrozu biaśpiecy našaj krainy.
Pra mahčymuju pahrozu Biełarusi ź inšaha boku ministr pradkazalna nie zhadaŭ. Naadvarot u pazityŭnym klučy aśviatlajucca sumiesnyja vučeńni «Ščyt Sajuza — 2019». Minabarony za minuły hod zaklučyła dzieviatnaccać kantraktaŭ z pradstaŭnikami abaronna-pramysłovaha kompleksu Rasii.
Šmat uvahi ministr nadaŭ temie prafiesijnaha vojska. Z tezisaŭ čynoŭnika vynikaje, što słužba ŭ Biełarusi zastaniecca terminovaj, bo kantraktnaje vojska nie zmoža pieramahčy ŭ vajnie.
«Varta razumieć, što armii, ukamplektavanyja tolki na asnovie kantraktnaj sistemy, pryznačanyja dla vykanańnia tak zvanych ekśpiedycyjnych zadač i pa vyznačeńni nie zmohuć abaranić ułasnuju dziaržavu, bo vojny pa abaronie Ajčyny viaducca i vyjhrajucca tolki narodami», — adznačaje Raŭkoŭ.
Pa jaho słovach, navat vojska ŭ 80 tysiač čałaviek mała, kab pieramahčy ŭ vajnie. Raŭkoŭ ličyć, što ŭsie prablemy ŭ vojsku vyrašalnyja, bo jość samaje hałoŭnaje — ludzi, «sapraŭdnyja prafiesijanały i patryjoty».