«Historyja majho piersanaža pišacca, lehienda naradžajecca, tamu ja nie chaču raskryvać usie karty», — kaža Mikałaj.
Mikałaj u svaich rolikach zaŭsiody paŭstaje ŭ firmovych soniečnych akularach: ź ich dapamohaj jon adździalaje siabie sapraŭdnaha ad svajho vydumanaha hieroja.
Mikałaj zavioŭ jutub-kanał u krasaviku 2018 hoda, siońnia na jaho padpisanyja amal 8 tysiač čałaviek. Sumarnaja kolkaść prahladaŭ samych papularnych rolikaŭ (pra toje, jak Kola hladzieŭ u kamieru 10 hadzin zapar, sprabavaŭ vymavić litaru «» ci namahaŭsia vyjhrać u «kamień-nažnicy-papieru» va ŭłasnaha adbitka ŭ lusterku) pieravaliła za 300 tysiač prahladaŭ.
«Ja daŭno zrazumieŭ, što mahu niešta novaje i cikavaje dadać u jutub-śviet. Dać ludziam u anłajnie toje, čaho im nie chapała — tamu i zavioŭ svoj kanał. U rolikach ja rablu staŭku na humar: chaču, kab ludzi ź ich dapamohaj rassłabilisia i atrymali zadavalnieńnie ad prahladu. Nu i ŭ peŭnyja videa ja, kaniečnie, układaju schavany, zusim nie paviarchoŭny sens. Ale ja mahu rabić i muzyčnyja videa, i dramatyčnyja — mnie nie chočacca siabie abmiažoŭvać».
Cikava, što da hetaha Mikałaj nijakim čynam nie prajaŭlaŭ siabie na akciorskaj arenie: nie hraŭ u teatralnaj studyi, nie hulaŭ u KVZ… Ideja dla adnaho z samych załajkanych rolikaŭ Mikałaja — dzie jon sprabuje vymavić miakki znak — pryjšła da jaho ŭ śnie. Ubačyŭšy, što jutub-aŭdytoryi jaho «son» zajšoŭ, Mikałaj pačaŭ ekśpierymientavać u tym ža rečyščy ź inšymi litarami, stavić sabie pieršapačatkova niemahčymyja zadačy: naprykład, udychnuć i vydychnuć adnačasova.
Zdymać i rabić mantaž usich hetych rolikaŭ Mikałaju dapamahaje najlepšy siabar i kaleha Maksim.
«Da taho, jak my pačali niešta zdymać, Maks byŭ zvyčajnym chłopcam, jaki nikoli ŭ žyćci nie trymaŭ u rukach kamieru, ale, mnie zdajecca, jon prahresuje na vačach i pieratvarajecca ŭ krutoha apieratara», — pierakanany błohier.
Samym ciažkim svaim čelendžam Mikałaj nazyvaje sprobu nie jeści i nie pić 4 dni. «U svaich rolikach my nikoli nie padmanvajem hledačoŭ, ja sapraŭdy nie jeŭ i nie piŭ 4 dni zapar, kab potym prademanstravać svoj stan na videa. Nasamreč, nikomu nie raju paŭtarać hety ekśpierymient, było fizična ciažka».
Videa na dadzieny momant — heta hałoŭny zaniatak dla chłopca. Kab zajmacca im napoŭnicu, jon skončyŭ 9 kłasaŭ i pakul nie budzie praciahvać navučańnie. «Paśla 9-ha kłasa, jakraz na letnich kanikułach, maje roliki pačali zdabyvać papularnaść, i ja vyrašyŭ, što chaču zajmacca mienavita imi. Mnie heta pačało prynosić minimalny dachod na samyja nieabchodnyja patreby, ale hałoŭnaje, što praca nad videa prynosić mnie nierealnaje zadavalnieńnie».
Baćki Mikałaja, zvyčajnyja rabočyja, kaniečnie, nie adrazu padtrymali takoje rašeńnie syna, ale ŭ vyniku dazvolili jamu samomu tvaryć svoj los.
«Jany razumiejuć, što heta majo, a nie ich žyćcio, majo žadańnie. Pastupić kudyści ci pajści na zvyčajnuju pracu ja zaŭsiody paśpieju. Ja vielmi ŭdziačny baćkam za razumieńnie», — kaža videabłohier.
A voś braty i siostry (Mikałaj — sa šmatdzietnaj siamji) u zachapleńni ad taho, čym jon zajmajecca. «Časam jany navat padkazvajuć mnie niejkija idei», — kaža Mikałaj.
«Ciapier my pracujem nad stvareńniem mastackaha poŭnamietražnaha filma — psichałahičnaj dramy. Chočam apublikavać jaho ŭ chutkim časie na kanale. Da leta ž, kali našamu kanału spoŭnicca hod, marym mieć 100 tysiač padpisantaŭ», — padzialiŭsia z «NN» svaimi płanami chłopiec.
