Na 1 studzienia 2019 hoda Ukraina sfarmavała zołatavalutnyja reziervy ŭ pamiery bolš za 20 miljardaŭ dalaraŭ.
Pra heta paviedamiŭ premjer-ministr Uładzimir Hrojsman, adkryvajučy pieršaje ŭ hetym hodzie pasiadžeńnie Kabinieta ministraŭ.
«2018 hod my prajšli hodna, choć u nas zastajecca šmat prablem», — skazaŭ jon.
«Na 1 studzienia 2019 hoda my zmahli sfarmavać nacyjanalnyja reziervy — bolš za 20 miljardaŭ dalaraŭ. Heta samy vialiki, rekordny pakazčyk za papiarednija 5 hadoŭ», — zajaviŭ Hrojsman.
U apošni raz zołatavalutnyja reziervy Ukrainy znachodzilisia na takim vysokim uzroŭni ŭ kancy 2013 hoda, paśla čaho pačali skaračacca, apuściŭšysia da 5,6 miljarda dalaraŭ u sakaviku 2015 hoda. Paśla hetaha pačałosia ich pastupovaje pavieličeńnie.
Maksimalnaje značeńnie zołatavalutnych reziervaŭ Ukrainy nazirałasia ŭ mai 2011 hoda — 38,3 miljarda dalaraŭ.
