U kastryčniku 30-hadovy mužčyna vyrašyŭ dapamahčy znajomamu viarnuć doŭh.
Razam z 26-hadovaj siabroŭkaj sustreŭsia z daŭžnikom kala adnaho staličnaha supiermarkieta. Padčas sustrečy damovicca nie ŭdałosia. Maładaja para zabrała mabilny telefon daŭžnika i zapchnuła jaho ŭ aŭtamabil, vykazvajučy pahrozy, paviedamlaje SK.
Zatym nakiravalisia ŭ haraž, dzie abvinavačanyja sprabavali zaciahnuć paciarpiełaha ŭ padvał, ale daŭžnik akazaŭ supraciŭ.
Zatym jany patelefanavali jahonaj maci i zapatrabavali pieradać aŭtamabil koštam bolš za 7 tys. rub., pry hetym nieadnarazova vykazvali pahrozy prymianieńnia hvałtu da jaje syna. Atrymaŭšy admovu ŭ vykanańni ich patrabavańniaŭ, jany pakinuli daŭžnika kala haraža i źjechali.
Dziejańni abvinavačanych kvalifikavany pa artykułach «niezakonnaje pazbaŭleńnie voli», «rabavańnie», «vymahalnictva». Kryminalnaja sprava pieradadziena prakuroru dla nakiravańnia ŭ sud
