Probašču kaścioła śviatoha Franciška ŭ Salihorsku Sabiesłavu Tamału zabaranili ažyćciaŭlać relihijnuju dziejnaść u Biełarusi. Śviatar słužyć u Salihorsku 20 hadoŭ, udzielničaŭ u budaŭnictvie kaścioła, piša Radyjo Svaboda.
katolik.life
Pryčynu rašeńnia nie nazyvajuć. Na momant publikacyi prychadžanie sabrali bolš za 300 podpisaŭ pad zvarotam u Saviet Ministraŭ da ŭpaŭnavažanaha pa spravach relihii i nacyjanalnaści Leanida Hulaki, skazała Svabodzie staršynia parafijalnaj rady Valancina.
Petycyju źbirajuć jak siarod parafijanaŭ, tak i va ŭstanovach Salihorsku i rajonu. Kaścioł śviatoha Franciška — adzinaja rymska-katalickaja parafija ŭ Salihorsku.
Taksama da Hulaki źviarnułasia Kanferencyja katalickich biskupaŭ Biełarusi, paviedamiŭ Svabodzie Dźmitry Kuchalski.