Dla sielskahaspadarčych arhanizacyj i inšych strukturnych padraździaleńniaŭ, jakija vykonvajuć raboty, źviazanyja z vytvorčaściu sielhaspradukcyi, dyzielnaje paliva budzie pastaŭlacca afarbavanym u zialony koler, a aŭtamabilny bienzin "Narmal-80" — u sini.Takoje rašeńnie, pavodle infarmacyi pres-słužby ŭrada, utrymlivajecca ŭ pastanovie Savieta ministraŭ № 1917 ad 12 śniežnia. Jano nabyvaje moc praz 10 dzion paśla aficyjnaha apublikavańnia.
Jak zaznačyła pres-słužba, vykarystańnie pryznačanych dla hetych metaŭ farbavalnikaŭ adpaviadaje ŭstanoŭlenym patrabavańniam techničnych narmatyŭnych pravavych aktaŭ. Padobnaja praktyka isnuje va ŭsim śviecie.
U Biełarusi afarboŭka dyzpaliva i bienzinu, što pastaŭlajucca ŭ sielhasarhanizacyi, budzie pravodzicca pradpryjemstvami, jakija ažyćciaŭlajuć aptovy prodaž naftapraduktaŭ. Kožnaja partyja afarbavanaha paliva budzie supravadžacca dakumientam ab jakaści, jaki śviedčyć adpaviednaść hetaha paliva patrabavańniam techničnych narmatyŭnych pravavych aktaŭ.
U roźnicy kalarovaje paliva pradavacca nie budzie. Afarboŭvańnie dyzielnaha paliva i aŭtabienzinu prymianiajecca z metaj praduchileńnia masavych kradziažoŭ.
Tamu rabotniki milicyi buduć mieć prava pravieryć, da prykładu, jakim palivam zapraŭleny toj ci inšy pryvatny aŭtamabil.