Fota SK
Iłžeśviatar atrymaŭ 7 hadoŭ pazbaŭleńnia voli, padmanam sabraŭšy ŭ žycharoŭ Minska kala 50 tysiač rubloŭ. Pra heta piša prakuratura Minska.
Vyśvietliłasia, što abvinavačany ź vieraśnia 2016 hoda pa vierasień 2018 hoda na terytoryi Minska vydavaŭ siabie za śviatara pravasłaŭnaj carkvy.
R. vykarystoŭvaŭ carkoŭnyja adzieńnie i rečy, a zatym na roznych padstavach — dla nabyćcia śviečak dla nabaženstva, praviadzieńnia abradu aśviačeńnia žylla, malitvaŭ, achviaravańniaŭ — i vymaniŭ hetyja hrošy.
Paciarpiełymi pa spravie pryznanyja 14 čałaviek, a ahulnaja suma naniesienaj im majomasnaj škody skłała 48 486 rubloŭ.
Sud Pieršamajskaha rajona Minska pryznaŭ 49-hadovaha ŭradženca Bresckaj vobłaści R. vinavatym (machlarstva ŭ asabliva bujnym pamiery, č.4 art.209 KK) i pryznačyŭ jamu pakarańnie ŭ vyhladzie pazbaŭleńnia voli na 7 hadoŭ z kanfiskacyjaj majomaści z adbyvańniem u papraŭčaj kałonii va ŭmovach uzmocnienaha režymu. Prakuratura Pieršamajskaha rajona Minska padtrymała dziaržaŭnaje abvinavačańnie.
Prysud nie ŭstupiŭ u zakonnuju siłu, moža być abskardžany i apratestavany ŭ apielacyjnym paradku.