president.gov.by
Pahraničnaja palityka Biełarusi nakiravana nie na kanfrantacyju z susiednimi dziaržavami, a na ŭmacavańnie pojasa dobrasusiedstva. Pra heta zajaviŭ Alaksandr Łukašenka 4 lutaha pry zaćviardžeńni rašeńnia na achovu dziaržaŭnaj miažy orhanami pahraničnaj słužby ŭ 2019 hodzie, paviedamlaje jaho pres-słužba.
«Z hetaha my pierš za ŭsio pavinny zychodzić. Nie prosta na zamok nahłucha začyniać miažu i stvarać prablemy dla svaich hramadzian i tych, chto da nas pryjazdžaje, a stvaryć spryjalnuju zonu i ŭ toj ža čas adsiakać tych, chto da nas jedzie ź niepažadanymi namierami. asabliva heta važna napiaredadni II Jeŭrapiejskich hulniaŭ», — skazaŭ kiraŭnik dziaržavy.
Alaksandr Łukašenka daručyŭ zabiaśpiečyć zakonnaść i pravaparadak, prajaŭlajučy maksimum uvahi da turystaŭ i haściam Biełarusi.
Jon nahadaŭ, što hod tamu byli kankretyzavany napramki raboty Dziaržpahrankamiteta pa achovie miežaŭ i ŭzmacnieńni pravaparadku na pryhraničnaj terytoryi. Pryniaty ŭsie nieabchodnyja rašeńni. Praviedzienaja aptymizacyja kantrolnych pracedur na miažy dazvoliła pavysić efiektyŭnaść biełaruskich punktaŭ propusku. «Praktyka pakazała, što asobnyja funkcyi pahraničnikaŭ u šerahu vypadkaŭ mohuć svaimi siłami vykonvać supracoŭniki mytniaŭ. Heta racyjanalny padychod, i dadzienuju rabotu treba praciahnuć», — ličyć kiraŭnik dziaržavy.
«Z ulikam uzrastańnia niehatyŭnych faktaraŭ, źviazanych ź niezakonnaj mihracyjaj, narkatrafikam, kantrabandaj (asabliva zbroi), pierad Dziaržpahrankamitetam pastaŭlena zadača pavialičyć da nieabchodnaha štatnuju kolkaść.
Biesprecedentny krok, ale nacyjanalnaja biaśpieka — najvažniejšy faktar», — padkreśliŭ jon
Alaksandr Łukašenka ŭ suviazi z hetym zapatrabavaŭ pryniać vyčarpalnyja miery pa pavieličeńni i stvareńni novych padraździaleńniaŭ miažy. «Asabliva pra što my z vami damaŭlalisia — adradžeńnie ci ŭzmacnieńnie manieŭranych hrup. Heta tyja hrupy, jakija znachodziacca zaŭsiody ŭ reziervie kiraŭnikoŭ pahraničnych atradaŭ i ŭ ličanyja chviliny vysoŭvajucca na napramki imaviernaha ruchu praciŭnika, kali tam abvastreńnie situacyi», - skazaŭ jon.
Pierad kiraŭnictvam Dziaržpahrankamiteta kiraŭnik dziaržavy pastaviŭ šerah aktualnych pytańniaŭ, u tym liku nakolki zdolnyja orhany pamiežnaj słužby procistajać isnujučym vyklikam. «Vyklikaŭ stała bolš, čym heta było navat u minułym hodzie», — zaŭvažyŭ biełaruski lidar.
Akramia taho, Alaksandr Łukašenka pacikaviŭsia, jakija miery ŭžo ažyćciaŭlajucca i buduć pradprymacca ŭ dalejšym dla taho, kab harantavać biaśpieku krainy, a taksama što jašče nieabchodna zrabić dla efiektyŭnaj pracy pamiežnikaŭ.