Fota Radyjo Svaboda
Dla Biełarusi dastatkova 15 palityčnych partyj, ličyć ministra justycyi Aleh Śližeŭski. Adkazvajučy na pytańnie Svabody, ab tym, čamu bolš čym za 15 hod u Biełarusi nie zarehistravali nivodnaj novaj palityčnaj partyi, jon zajaviŭ:
«Asnoŭnaja prablema — u nieabchodnaści sabrać minimalnuju kolkaść zasnavalnikaŭ. A heta 1 tysiača čałaviek. Nie pamylajusia, kali va ŭsich vypadkach pytańni ŭźnikali da składu zasnavalnikaŭ. U śpisach byli albo miortvyja dušy, albo ludzi, jakija paniaćcia nie mieli, što jany źjaŭlajucca zasnavalnikami partyi».
Ministr paviedamiŭ, što ŭ Biełarusi dziejničajuć 15 palityčnych partyj.
«Dla našaj krainy heta dastatkova dla pracy aktyŭnym hramadzianam pa roznych kirunkach. Vielmi składana znajści tych, chto padtrymaje novuju partyju. Aktyŭnyja hramadzianie albo ŭžo zaniali svajo miesca ŭ inšych partyjach, albo nie žadajuć naahuł zajmacca palitykaj», — skazaŭ Śližeŭski.
