Niadzielnym viečaram 3 lutaha ŭ milicyju patelefanavaŭ 8-hadovy chłopčyk ź vioski Arechava Babrujskaha rajona i paviedamiŭ pra toje, što «tata bje mamu i moža jaje zabić». Pravaachoŭniki adrazu ž vyjechali na miesca.
Vyśvietliłasia, što pa adrasie žyvuć 44-hadovy mužčyna z 37-hadovaj sužycielkaj. U ich dvoje ahulnych dziaciej — syn i dačka. Pamiž mužčynam i žančynaj niaredka zdarajucca kanflikty: jamu nie padabajecca, što jana pozna prychodzić z pracy, pry hetym sam kiraŭnik siamiejstva nie pracuje.
U toj dzień mužčyna zabraŭ televizijny kabiel, kab dzieci nie hladzieli televizar. A kali jon viarnuŭsia dadomu kala 19.30 napadpitku, televizar pracavaŭ: hramadzianskaja žonka pazyčyła kabiel u susiedziaŭ. Heta i stała pryčynaj kanfliktu. Mužčyna pačaŭ chapać žančynu za ruki, prahučali słaviesnyja pahrozy. Tamu dzicia spałochałasia i patelefanavała ŭ milicyju.
Debašyra zatrymali i dastavili ŭ RAUS. Na mužčynu skłali pratakoł.
Mužčynu dali administracyjny aryšt na troje sutak.
