Były prezident Ukrainy Viktar Janukovič zajaviŭ, što padpisanty pahadnieńnia ŭ lutym 2014 hoda ab urehulavańni kryzisu va Ukrainie nie adkazvajuć na jaho listy i da hetaha času niasuć adkaznaść za jaho nievykanańnie. Pra heta były prezident zajaviŭ padčas pres-kanfierencyi ŭ Maskvie, paviedamlaje Ukrainskaja praŭda.
Pavodle jaho słoŭ, u 2014 hodzie jon vieryŭ, što pahadnieńnie budzie vykanana.
«Ja nie vieryŭ, što krainy-padpisanty siabie dyskredytujuć. (Ja dumaŭ) usio, što my padpišam, budzie vykonvacca z abodvuch bakoŭ i ŭ tym liku za heta buduć nieści adkaznaść krainy-padpisanty. Ale ja pamyliŭsia», — skazaŭ jon.
«Jak heta možna nazvać? Mianie padmanuli? Zdradzili? Ci jak kažuć prasunutyja ŭkrainskija palityki, jakija siońnia takimi siabie ličać, mianie kinuli jak łocha? Jak?», — rytaryčna zapytaŭsia Janukovič.
Pa słovach eks-prezidenta, adkaznaść da hetaha času lažyć na padpisantach.
«Ja chacieŭ by, kab mnie publična adkazali. Čamu ja ŭžo šmat razoŭ, šmat hadoŭ da ich źviartajusia i pišu im listy, ja da hetaha času nie atrymaŭ adkaz ad hetych krain», — skazaŭ Janukovič.
Jon taksama raspavioŭ, što svabodna pierasoŭvajecca pa terytoryi Rasii.
«Ja mahu vyjazdžać u lubuju krainu śvietu. Nijakich prablem u mianie niama», — skazaŭ jon.
