president.gov.by
Alaksandr Łukašenka adznačaje spakoj na finansavym rynku krainy, u čym bačyć i niemałuju zasłuhu Nacyjanalnaha banka. Pra heta jon zajaviŭ siońnia na sustrečy sa staršynioj praŭleńnia Nacyjanalnaha banka Paŭłam Kałaŭram, piša BiełTA.
Havoračy ab biahučaj situacyi, kiraŭnik dziaržavy kanstatavaŭ spakoj na finansavym rynku i adsutnaść jakoj-niebudź naściarožanaści ŭ suviazi z hetym u hramadstvie. «Jak by nas niechta tam nie padkrytykoŭvaŭ, toje, što było, i toje, što jość, — heta nieba i ziamla. Moža, kamuści nie padabajecca zanadta žorstkaja finansavaja palityka ŭ dziaržavie, ale jana nakiravana na zachavańnie stabilnaści. Tamu ja bajusia kazać dziakuj, ale tym nie mienš rabotniki Nacyjanalnaha banka zasłuhoŭvajuć hetaj padziaki», — zajaviŭ biełaruski kiraŭnik.
Alaksandr Łukašenka nahadaŭ, što kiraŭnik Nacbanka niasie piersanalnuju adkaznaść za zabieśpiačeńnie finansavaj stabilnaści. «Kiraŭniki kamiercyjnych bankaŭ viedajuć hetyja padychody. Imkniciesia znajści ź imi ahulnuju movu i vybudavać biaśpiečnuju rabotu ŭ śfiery finansaŭ. U apošni čas my mienš havorym pra hrošy, finansy. Kažuć, hrošy lubiać cišyniu. My kirujemsia hetym pryncypam», — adznačyŭ jon.
