Biełaruś raźličvaje na kansiensus u pytańni pryznačeńnia svajho pradstaŭnika na pasadu hienieralnaha sakratara ADKB. Pra heta siońnia žurnalistam paviedamiŭ dziaržaŭny sakratar Rady biaśpieki Stanisłaŭ Zaś, kandydatura jakoha prachodzić uzhadnieńnie, paviedamlaje BiełTA.
U statucie ADKB praduhledžana mahčymaść pryniaćcia rašeńnia ab pryznačeńni hienieralnaha sakratara abmiežavanym składam. «Ale heta nie najlepšy varyjant. Takija rašeńni pavinny prymacca kansiensusam. Heta załoh dla narmalnaj, bieśpierabojnaj pracy. Spadziajemsia, što takoje rašeńnie, kansiensusam, adbudziecca ŭ najbližejšy čas», — adznačyŭ Stanisłaŭ Zaś.
Praces uzhadnieńnia pakul što nijak nie prasoŭvajecca, kanstatavaŭ jon. Sustreča z premjer-ministram Armienii jašče nie adbyłasia.
«Prapanovu sustrecca ŭ luby zručny čas dla armianskaha boku dasłali. Pakul što adkazu nie atrymali», — skazaŭ Stanisłaŭ Zaś. Usie astatnija dziaržavy — siabry ADKB vykazali padtrymku kandydatury ad Biełarusi.
