Vice-premjer Ispanii Karmen Kalva zajaviła, što pieramovy z katałonskimi partyjami, jakija vystupajuć za niezaležnaść, spynienyja i Madryd bolš nie budzie vykazvać novych prapanoŭ, paviedamlaje El Pais.
U Sacyjalistyčnaj partyi Ispanii ŭ svaju čarhu zajavili, što kali hetyja partyi nie padtrymajuć płan urada pa biudžecie, jak jany heta pahražajuć zrabić, u krainie mohuć adbycca daterminovyja vybary.
«My zrabili ŭsio, što treba było zrabić jak urad. My rabili ŭsio, kab adkazać na zapyt hramadstva adnosna dyjałohu. Kali hetaha niedastatkova, to my pavinny spynicca. Sieparatysty pavinny rastłumačyć, čamu jany adchilajuć prapanovu pra dyjałoh, jaki źjaŭlajecca całkam abhruntavanym», — skazała Kalva.
Vice-premjer u čarhovy raz adznačyła, što refierendum pra samavyznačeńnie «źjaŭlajecca nieprymalnym». Jana taksama dadała, što ŭłady krainy nie źbirajucca iści na novyja sastupki katałoncam.
