Alaksandr Biendzin byŭ častym hościem na biełaruskich dziaržaŭnych kanałach.
«Panujučy ŭ krainie palityčny kłas biurakrataŭ» i ich palityčnyja praciŭniki z łahiera «radykalnaj prazachodniaj apazicyi» adzinyja ŭ svajoj ideałahičnaj asnovie, — piša ŭ novaj knizie prafiesar Biełaruskaha dziaržaŭnaha ŭniviersiteta Alaksandr Biendzin. — «Tyja i druhija pa svaich palityčnych pohladach, rytorycy i palityčnaj praktycy jość nacyjanalistami».
«Dadatkovymi matyvami zaklučeńnia nacyjanalistyčnych kanviencyj robiacca zamiežnapalityčnyja interesy ekanamična nieefiektyŭnaha biełaruskaha režymu, — miarkuje Biendzin. — Jaho ŭsio bolšaja, užo arhaničnaja niazdolnaść zabiaśpiečyć vychad krainy z hłybokaha sistemnaha kryzisu prymušaje šukać ekanamičnuju i palityčnuju dapamohu ŭ kalektyŭnaha Zachadu. Dla dziaržavy Biełaruś, uličvajučy dośvied krain Bałtyi i Ukrainy, ideałahičnym propuskam na Zachad moža stać tolki etničny nacyjanalizm razam z abaviazkovym naboram «jeŭrapiejskich kaštoŭnaściej», — miarkuje Biendzin.
Aŭtar piša, što «apošnim časam lidar režymu, jaki apynuŭsia ŭ palityčnaj i sacyjalnaj izalacyi, staŭ dekłaravać hatoŭnaść da palityčnaha kampramisu z apazicyjaj».
Kniha Biendzina «Michaił Muravjev-Vilenskij: uśmiritiel i rieformator Sieviero-Zapadnoho kraja Rośsijskoj impierii» vyjšła ŭ 2017 hodzie tyražom 500 asobnikaŭ na rasijski dziaržaŭny hrant.
U joj usłaŭlajecca dušyciel Paŭstańnia 1863—1864 hadoŭ i niehatyŭna aceńvajucca postaci Kalinoŭskaha dy inšych revalucyjanieraŭ.
Prafiesar Alaksandr Biendzin vykładaje na teałahičnym fakultecie BDU. Aproč vykładčyckaj dziejnaści, jon publikujecca na čarnasociennym partale regnum.ru.
Jak i svaje idejnyja papiaredniki ŭ časy caryzmu, Biendzin ličyć, što «adziny ruski narod» «składajecca ź biełarusaŭ, vialikarosaŭ i małarosaŭ».
Biendzina tryvožyć, što «Biełaruś pieražyvaje čarhovuju «biełarusizacyju», jakuju ŭłady postsavieckaj respubliki nie suprać pašyryć i pahłybić, vykarystoŭvajučy administracyjny resurs — jak i stahodździe nazad». I nijak nie źjavicca novy hienierał-hubiernatar Muraŭjoŭ, jaki b usio heta spyniŭ.
Čytajcie taksama: Chto choča zrabić ź Biełarusi Zachodniuju Rasiju — daśje
«Nie było nijakaha Kastusia Kalinoŭskaha»: prarasijskija siły sprabavali sarvać jubilej, ale efiekt advarotny
Stała viadoma, chto i jakimi sumami finansuje knihi pra «Muraŭjova-refarmatara» i «Biełuju hvardyju Biełaj Rusi»
