Hałoŭnaja redaktarka sajta Chartyja'97 Natalla Radzina dała vialikaje intervju papularnamu ukrainskamu infarmacyjnamu resursu gordonua.com. Pryvodzim hałoŭnyja tezisy jaje pazicyi.
Pra mahčymuju anieksiju
«Łukašenka na praciahu 25 hadoŭ źjaŭlaŭsia absalutnaj maryjanietkaj Kramla, rabiŭ usio, kab źniščyć u Biełarusi «biełaruskaść», źniščyć u biełarusach pavahu da samich siabie. Nie dazvalaŭ raźvivacca biełaruskaj kultury, źniščaŭ biełaruskuju historyju. Nahadaju, što biełaruskaj movy siońnia niama ni va univiersitetach, ni ŭ škołach, ni na dziaržaŭnym telebačańni. Heta sprava ruk Łukašenki. Nie kažučy ŭžo pra toje, što jon pieraśledavaŭ nacyjanalna aryjentavanuju biełaruskuju demakratyčnuju apazicyju i niezaležnyja miedyja, jakija zaŭsiody stajali na pryncypach niezaležnaści i suvierenitetu Biełarusi».
Pra majomaść Łukašenki
«Nie mahu nazvać dakładnyja ličby, ale vymiarajecca jana miljardami dalaraŭ. Heta absalutna dakładna. Roznyja varyjanty, dzie mohuć zachoŭvacca jaho hrošy, ale sutnaść nie ŭ hetym».
Pra biełaruskuju čyściniu
«Čyścinia jość. Kazarmiennaja čyścinia ŭ Biełarusi prysutničaje. Ja žyvu ŭ Jeŭropie, kudy b ja ni jeździła — usiudy čystyja harady. Nie mahu zrazumieć razmoŭ ab čystym Minsku. Heta ŭsio iluzija. My havorym pra adrestaŭravanyja fasady i pafarbavanyja płaty».
Pra zarobki
«U krainie surjozny ekanamičny kryzis. Skažu, naprykład, pra ŭzrovień zarobkaŭ u Biełarusi. U rehijonach siońnia siaredniaja zarpłata — $ 80. Piensii — $ 80—100. U Minsku zarpłaty — u siarednim kala $ 300. Łukašenka apošnija piać-šeść hadoŭ zajaŭlaje: «Voś, u nas budzie siaredni zarobak $ 500». I nijak nie moža hetaha damahčysia, nijak nie atrymlivajecca siaredni zarobak da $ 500 davieści. Ceny značna vyšejšyja, čym va Ukrainie, ja mahu paraŭnoŭvać. Pra jakuju narodnuju luboŭ moža iści havorka? Supracoŭnikaŭ milicyi ŭ Biełarusi na 100 tys. nasielnictva ŭ siem razoŭ bolš, čym było ŭ Savieckim Sajuzie. Vielizarnaja kolkaść tolki milicyi. A jašče — vosiem-dzieviać śpiecsłužbaŭ. Tatalny kantrol, ułada utrymlivajecca uzbrojenym šlacham».
Pra Pucina
«Pucin stanovicca ŭ Biełarusi vielmi papularnym palitykam. Ale heta taki vybar, viedajecie… Choć čort łysy, tolki b nie Łukašenka. Voś takoje staŭleńnie biełarusaŭ da situacyi. Kali bieśpieraškodna iduć rasijskija telekanały i radyjostancyi, haziety pradajucca, u internecie vializnaja kolkaść rasijskich sajtaŭ, a niezaležnyja błakujucca, to, naturalna, u ludziej farmujecca vobraz vialikaha Pucina, jaki pryjdzie, vyratuje, usim padymie zarpłaty, zapuścić zavody. Tolki ničoha hetaha nie budzie, zrazumieła».
Pra emihracyju
«U Biełarusi ŭ čałavieku sprabujuć zabić čałavieka. Ja nie zmahu žyć u svajoj krainie, navat kali publična pakajusia (čaho nikoli nie budzie) i, viarnuŭšysia, ničym nie budu zajmacca, kryžykam siadu vyšyvać. Mnie ŭsio roŭna žyć nie daduć. I ja nie chaču žyć u takoj krainie. Krainu treba mianiać, i ja chaču jaje źmianić. Ja pavinna rabić usio mahčymaje. Kali ja niešta mahu — značyć, pavinna heta rabić».
* * *
Nahadajem, Chartyja'97 pracuje ŭ Varšavie. Resurs zabłakavany na terytoryi Biełarusi pa rašeńni Ministerstva infarmacyi, ale lusterki sajta dastupnyja dla karystalnikaŭ.
