Minčanka zdała svaju dvuchpakajovuju kvateru dvum maładym ludziam. Kali najmalnikaŭ nie było doma, haspadynia kvatery razam z sužycielem skrała bytavuju i ličbavuju techniku, 3850 dalaraŭ, 1200 rasijskich rubloŭ i 100 rubloŭ, a taksama adzieńnie i abutak. Naprykancy złamyśniki pałasavalisia płaŭlenym syram arandataraŭ, piša guvd.gov.by
guvd.gov.by
Dla taho kab advieści ad siabie padazreńni, para ŭzłamała mietaličnyja ŭvachodnyja dźviery, choć u haspadyni byŭ druhi nabor klučoŭ.
Na skradzienyja hrošy para źniała kvateru. Častku sumy mužčyna patraciŭ na darahi padarunak svajoj kachanaj (załaty piarścionak z bryljantam), napiaredadni kradziažu ŭ žančyny byŭ dzień naradžeńnia.
Haspadyniu kvatery i jaje sužyciela zatrymali praz paru dzion. Mužčyna, vyśvietliłasia, nieadnarazova sudzimym za złačynstvy majomasnaha charaktaru, a taksama za złačynstvy, źviazanyja z narkotykami. Žančyna taksama ŭžo sudzimaja — za niezakonny abarot narkatyčnych srodkaŭ.
Darečy, na zdymnaj kvatery apieratyŭniki vyjavili 0,2 hrama asabliva niebiaśpiečnaha psichatropnaha rečyva «Alfa - PVP».
