Siońnia ŭ śviecie isnuje pahroza dla ŭsich, chto šanuje kaštoŭnaści zachodniaha ładu žyćcia, jana pachodzić jak ad terarystyčnych arhanizacyj, tak i z-za kankurencyi šeraha suśvietnych dziaržaŭ — pra heta na vystupie ŭ Łondanie zajaviŭ ministr abarony Vialikabrytanii Hevin Uiljamsan.
«Pakul my zmahalisia z ekstremizmam, stała ŭzmacniacca kankurencyja pamiž dziaržavami. Siońnia Rasija adradžajecca i adnaŭlaje svoj vajenny arsienał, a taksama imkniecca viarnuć u svaju arbitu niezaležnyja krainy byłoha Savieckaha Sajuza, takija jak Hruzija i Ukraina», — skazaŭ ministr.
Pry hetym jon padkreśliŭ, što siońnia NATA stała macniejšym i hatovaje «abaraniacca ad varožych dziejańniaŭ Rasii». Pavodle jaho słoŭ, NATA pavinna raźvivać svaje zdolnaści reahavać na pravakacyi z boku Rasii.
«My pavinny ćviorda supraćstajać nievykanańniu Rasijaj DRSMD, być hatovymi supraćstajać pahrozie, jakuju mohuć pradstaŭlać novyja rasijskija rakietnyja sistemy», — padkreśliŭ Uiljamsan.
«Takija dziejańni z boku Rasii pavinny doraha kaštavać joj. Nielha taksama zabyvać i pra krainy za miežami NATA, jakija dzień za dniom sutykajucca sa sprobami Rasii padarvać ich suvierenitet. My hatovyja padtrymać našych siabroŭ va Ukrainie i na Bałkanach. Hetyja krainy majuć prava vybirać svoj los i być svabodnym ad umiašańnia Rasii», — adznačyŭ kiraŭnik brytanskaha Minabarony.
