U internecie źjaviŭsia novy servis searchface.ru. Pa funkcyjanalnaści prahrama paŭtaraje FindFace: karystalniki mohuć zahruzić foty i znajści padobnych karystalnikaŭ Ukantakcie. Adnak raspracoŭščyki FindFace zakryli pošuk pa zdymkach vosieńniu 2018 hoda, tak što SearchFace možna ličyć pieršym anałaham papularnaha servisu.
Pra stvaralnikaŭ novaj prahramy amal ničoha nie viadoma.
Testy prahramy pakazvajuć vysokuju dakładnaść pošuku. Servis prapanuje adrazu niekalki staronak z prykładami fotazdymkaŭ. Pry hetym SearchFace spraŭlajecca z takimi «pieraškodami», jak šapka ci akulary.
Prahrama maje minimalistyčny interfiejs. Pačatkovy ekran składajecca vyklučna z pola, kudy treba zahruzić fota.
Paśla zahruzki servis prapanuje niekalki staronak z Ukantakcie. U kožnaha profilu jość adznaka supadzieńnia. Pa słovach raspracoŭščykaŭ, kali acenka vyšej za 0.67, to heta «poŭnaje supadzieńnie».
Kab paŭtaryć pošuk, staronku treba abnavić — biez hetaha nie spracuje knopka zahruzki novaha fota.
