Skončyłasia śledstva pa spravie Viačasłava Kazanava, jaki arhanizoŭvaŭ viečaryny dla śvinhieraŭ u zdymnym katedžy pad Minskam. U červieni 2018 hoda na adnu takuju viečarynu ŭvarvaŭsia AMAP, Kazanava zatrymali.
Praź niejki čas Kazanava adpuścili, ale zatym usio ž źmiaścili pad vartu, dzie jon i znachodzicca pa siońnia. Mužčynu stavili ŭ vinu arhanizacyju zaniatkaŭ prastytucyjaj, paśla dadałosia abvinavačvańnie ŭ seksualnym hvałcie. Adnačasova ahučyli infarmacyju pra staroje złačynstva: akazałasia, što Kazanaŭ byŭ asudžany na 17 hadoŭ, jon zhvałtavaŭ adnu dziaŭčynu i zabiŭ druhuju. Vyjšaŭ na volu mužčyna raniej, u 2015 hodzie.
Ciapier śledčyja paviedamlajuć pra novyja fakty ŭ spravie. Pa viersii śledstva, Kazanaŭ mieŭ dačynieńnie da zhvałtavańnia 21-hadovaj dziaŭčyny ŭ 2015 hodzie, a ŭ 2018 hodzie sprabavaŭ zhvałtavać 18-hadovuju dziaŭčynu, źbivaŭ jaje, prymušajučy da intymu.
Akramia taho, zastałosia i abvinavačvańnie ŭ arhanizacyi prytonu i zaniatkaŭ prastytucyjaj.
Spravu nakiravali ŭ sud.
