U Viciebsku uviečary 10 lutaha zatrymali opierupaŭnavažanaha Škłoŭskaha RAUS, u jakoha kanfiskavali amal 30 hramaŭ psichatropu. Takaja infarmacyja źjaviłasia ŭ tielehram-kanale NEXTA. Jaje Tut.by paćvierdziła infarmavanaja krynica.
U 24-hadovaha starejšaha lejtenanta, opierupaŭnavažanaha kryminalnaha vyšuku Škłoŭskaha RAUS, znajšli i kanfiskavali amal 30 hram psichatropnaha rečyva alfa-PVP [sintetyčny psichatrop, maje słenhavuju nazvu «chutkaść»].
Małady čałaviek pracavaŭ opierupaŭnavažanym z 2016 hoda. U momant zatrymańnia byŭ nie na słužbie i ŭ cyvilnym adzieńni.
— 10 lutaha supracoŭniki milicyi ŭ chodzie apieratyŭna-vyšukovych mierapryjemstvaŭ pa spynieńni dziejnaści internet-kramy pa prodažy narkatyčnych srodkaŭ i psichatropnych rečyvaŭ zatrymali 24-hadovaha žychara Škłoŭskaha rajona. Pry pieratrusie ŭ jaho znajšli i kanfiskavali asabliva niebiaśpiečnaje psichatropnaje rečyva alfa-RVP, masaj bolš za 29 hram, — paviedamiła aficyjny pradstaŭnik USK pa vobłaści Aksana Łaźko.
Raspačali kryminalnuju spravu pa č. 3 art. 328 KK. Mužčynu zatrymali.
