Jeŭrapiejski avijakancern vyrašyŭ spynić pastaŭki samaj vialikaj madeli svaich samalotaŭ z 2021 hoda.
«Pasažyry pa ŭsim śviecie palubili lotać hetym cudoŭnym samalotam, — havorycca ŭ paviedamleńni na sajcie kampanii Aerobus. — Adpaviedna, siońniašniaja zajava budzie balučaj dla nas i dla supolnaści A380 pa ŭsim śviecie».
Fota: Wikipedia
Dvuchpaviarchovy samalot A380 kaštuje kala $450 miljonaŭ i zdolny ŭziać na bort ažno 853 čałavieki (kali ŭsie miescy na im abstalavać pa standartach ekanom-kłasy). Praŭda, najčaściej avijalinii zakuplali madel na 525 čałaviek, kab dać bolš płoščy i vyhodaŭ pasažyram z daražejšymi kvitkami.
Historyja A380 niečym nahadvaje los znakamitaha zvyšhukavoha anhła-francuzskaha «Kankorda».
Abodva samaloty vielmi palubilisia zamožnym vandroŭnikam i nabyli, faktyčna, kultavy status. «Kankord» — za chutkaść, a A380 — za raskošu i nieparaŭnalnyja vyhody na borcie. Adnak abiedźvie mašyny nie vytrymali kankurencyi z bolš ekanamičnymi łajnierami. Avijakampanii vybirajuć madeli, jakija patrabujuć mieniej paliva i, takim čynam, dazvalajuć źmienšyć vydatki.
Čym admietny A380?
U pieršaj kłasie moža padjeści nie horš, čym u darahoj restaracyi:
Fota: Emirates.com
Tut možna bavić čas u bary:
Ci skarystacca mahčymaściu pravieryć kaciroŭki akcyjaŭ i pačytać apošnija naviny na sajcie «Našaj Nivy»:
A potym pryniać duš…
…i dać chrapaka ŭ nievialikim asobnym kupe:
Prykładna tak: