Sproby pradstavić hoład u SSSR u 1930-ja hady jak źniščeńnie asobnych hrup nasielnictva nakiravany na raspalvańnie antyrasijskich nastrojaŭ i pazbaŭlenyja padstaŭ. Pra heta havorycca ŭ kamientary MZS Rasii.
U rasijskim viedamstvie zajavili pra heta paśla taho, jak u infarmacyjnaj prastory dziaržaŭ Centralnaj Azii pačała «štučna razduvacca tema hoładu».
«Pry hetym prychilniki nacyjanalistyčnych pohladaŭ naviazvajuć hramadskaści svaich krain traktoŭku hetaj trahičnaj padziei jak «haładamoru» i navat «hienacydu» karennych narodaŭ rehijonu, arhanizavanaha kiraŭnictvam SSSR»,
— havorycca ŭ paviedamleńni.
Spasyłajučysia na histaryčnyja dakumienty, MZS adznačaje, što ŭ čas hoładu, jaki byŭ u roznych rehijonach krainy, zahinuła kala siami miljonaŭ čałaviek, u tym liku bolš za 2,5 miljona — u rasijskaj častcy.
«Jon pačaŭsia z mocnaj zasuchi i nieŭradžaju, na jakija nakłalisia nadzvyčajnyja miery ŭrada (vielmi vysokija kvoty na narychtoŭku zbožža, kanfiskacyja charčavańnia, zabarona na handal ježaj)»,
— rastłumačyli na Smalenskaj płoščy.
