Cichanaŭ zajaviŭ, što ŭčynak Haraničava — prykład aburalnaj biezałabiernaści i adsutnaści dyscypliny. «Jaho treba kaźnić! Pakarać pa poŭnaj, kab u nastupny raz byŭ razumniejšy i navat blizka nie dapuskaŭ padobnaha. Jamu što, 15 hadoŭ?» — skazaŭ jon.
Na dumku alimpijskaha čempijona, toje, što zdaryłasia na etapie Kubka śvietu — vina samoha spartoŭca i kiraŭnictva rasijskaha bijatłona. «Ryba hnije z hałavy, a za abstanoŭku ŭnutry zbornaj, za dyscyplinu spartsmienaŭ adkaz niasuć treniery. Heta — nieprafiesijanalizm vyšejšaj stupieni. I padstava dla žorstkaha razboru palotaŭ», — dadaŭ jon.
17 lutaha Haraničaŭ spaźniŭsia na honku pieraśledu na etapie Kubka śvietu ŭ Sołt-Łejk-Sici. Spartoŭca dyskvalifikavali i raskrytykavali ŭ ŚMI. Paśla hetaha stała viadoma, što jon nie ŭvajšoŭ u skład zbornaj Rasii na čempijanat Jeŭropy.
