Vysokapastaŭleny pradstaŭnik Minabarony ZŠA Mark Eśpier zajaviŭ ab tym, što, pavodle acenak amierykanskaj armii, vajennyja mahčymaści armii Rasii dasiahnuć maksimumu ŭ 2028 hodzie. Śledam za joj anałahičnych vynikaŭ dla siabie dabjucca kitajskija vajskoŭcy. Ich mahčymaści dasiahnuć maksimumu u 2030 hodzie, ličać u Złučanych Štatach.
Padobnyja acenki, pavodle jaho słoŭ, dajuć ZŠA amal dziesiać hadoŭ «na padrychtoŭku da hetych pahroz». U pryvatnaści, dla hetaha, pa dadzienych surazmoŭcy ahienctva, ZŠA źbirajucca skaracić, likvidavać abo adkłaści amal 200 prahram uzbrajeńnia. Zamiest ich srodki ŭłady nakirujuć na inviestycyi ŭ mahčymaści dla pieramohi nad «novymi Uzbrojenymi siłami Rasii i Kitaja», ličyć Eśpier.
«Toje, na što my aryjentujemsia, — heta 2028 hod i dalej, tamu što my dumajem, što da hetaha času ruskija [Uzbrojenyja siły] dasiahnuć pika», — adznačyŭ jon, padkreśliŭšy, što kitajcy dabjucca padobnych vynikaŭ «paśla» — u 2030 hodzie.
Finansujučy vajennyja kampanii ŭ Iraku i Afhanistanie ZŠA, pa słovach Eśpier, «zakłali svaju hatoŭnaść» zmahacca z takimi krainami, jak Kitaj i Rasieja. U vyniku amierykanskaja armija ciapier maje patrebu ŭ abnaŭleńni abstalavańnia, jakoje znachodzicca ŭ ekspłuatacyi na praciahu 40 hadoŭ, adznačyŭ pradstaŭnik Minabarony ZŠA.
