Paśla pierapiski ź siabroŭkaj žycharka Vilejki zastałasia biez bujnoj sumy. Jak vyśvietliłasia, staronku čałavieka, ad imieni jakoha viałasia pierapiska, «uzłamali». Pa fakcie kradziažu hrošaj z karty raspačali kryminalnuju spravu, piša MŁYN.BY.
Staršy opierupaŭnavažany adździaleńnia kryminalnaha vyšuku Vilejskaha RAUS Raman Kułaha raspavioŭ karespandentu MŁYN.BY:
— Vilajčanka 1998 hoda naradžeńnia źviarnułasia ŭ milicyju 13 lutaha i raspaviała, što ź jaje kart źnikli 900 i 180 rubloŭ. Hrošy, pa jaje słovach, byli śpisanyja ŭ hety ž dzień ad 20.56 da 22.18. Da hetaha dziaŭčyna ŭ sacsietcy dała rekvizity «znajomaj», jakaja nibyta nie mahła pieravieści hrošy na svaju asabistuju kartu. Jak vyśvietliłasia, ad imia siabroŭki vilajčancy pisaŭ nieviadomy, jaki ŭzłamaŭ akaŭnt.
Rasśledavańnie kryminalnaj spravy praciahvajecca.